郭富城琴日喺西九龍文化區出席聯合國兒童舉行嘅活動，佢仲特登走去啲家庭睇小朋友畫畫。做咗爸爸之後，城城見到小孩都笑得好燦爛，仲同啲小朋友傾偈。
城城出席活動見到小朋友時，慈父樣出晒嚟！
提到親子活動，問城城會唔會一齊唱歌跳舞？係咪有教自己招牌舞步動作？佢笑話：「有我嘅genes，遲啲相信佢自然識做。」早前城城透露目標是帶女兒去公園），佢話暫時未做到，亦主動表示早前有傳媒偷影女兒相感不悅：「o依家做咗爸爸，嚴正希望傳媒自律，唔想BB或者佢將來嘅樣公開，大家喺娛樂圈唇齒相依，有嘢要報道，但都想保護吓小孩，會影響小孩成長，希望大家自律同高抬貴手。」
佢話影佢無所謂，但唔好再喺佢屋企附近騷擾或偷影！
城城表示會擔心影響女兒成長，睇得出呢個爸爸好維護家人，佢話：「仲要影我屋企，嚴格嚟講我心中好憤怒，希望自己家庭得到保護，影我冇所謂，但唔好偷影騷擾我家人。呢一刻我會有陰影，喺公園玩會擔心被影，大家放過我哋，俾佢健康成長。」
城城老婆方媛及囡囡（資料圖片）
（Apple Daily / on.cc）
