已經係人哋爸爸嘅陳冠希，近排都專心做爸爸同佢嘅事業，噚日喺上海出席一個運動快閃活動，喺直播接受訪問嘅時候，突然被人帶走，個直播都完咗，好多陳冠希嘅fans都好憂心。
噚日陳冠希喺活動上就喺一個投射地下跑，跑完之後佢就接受主持人嘅訪問，陳冠希仲笑晒咁：「哈囉，大家好，我是陳冠希。」主持人再問佢跑得開唔開心，佢就話：「還不錯啊！」
喺呢個時候，一個男人突然出現，仲好惡咁話：「走！帶了跑。」之後陳冠希就被帶走咗。事後網上面有人指陳冠希被帶走嘅原因，係因為「外籍人士沒有登記就進行商業演出」，而「陳冠希國際聯盟」微博安撫粉絲：「陳冠希已經平安離開。請各位粉絲不要擔心。」係喎，陳冠希係加籍人士。
(蘋果日報)
