凌晨貼出自己手捧紅玫瑰嘅相，留言：「此心安處，便是樂也!」相中見佢眼神望住下方，令唔少網民討論佢係唔係「被求婚了」，隨後佢個經理人晒出鑽戒，證實猜測。。。
大陸女星姚笛當年拍電視劇《裸婚時代》人氣急升。
不過2014年姚笛被爆同人夫文章過從甚密，當時馬伊琍生完B冇耐，姚笛被指係「小三」，後嚟馬伊琍原諒咗老公，事件不了了之。
姚笛亦搵到自己嘅幸福，2017年7月被影到同「富二代」酒店老闆一齊，姚笛即大方公開戀情。昨日係姚笛36歲生日，佢凌晨喺微博貼出自己手捧紅玫瑰嘅相，留言：「此心安處，便是樂也!」
相中見姚笛眼神望住下方，令唔少網民討論姚笛係唔係「被求婚了」，隨後佢個經理人晒出鑽戒，證實姚笛被成功求婚，經理人祝福姚笛「你安便是我們樂，一定要幸福」。
之後大陸傳媒貼出求婚現場影片，見台上鋪滿花瓣，男友單膝跪地，朋友即歡呼同掌聲，姚笛亦一臉幸福，面露微笑，據知兩人雖然已訂婚，不過婚期仲未定。
(蘋果日報)
