余文樂喺舊年12月突然喺ig宣佈迎娶拍拖一年嘅台灣女友王棠云（Sarah），嗰陣有傳樂仔今次係雙喜臨門，不過當事人一直都有證實。早前樂嫂王棠云上載一張自拍照，透露自己已經好多年冇剪過短髮，於是有網民猜測佢係為懷孕做好準備。
日前Sarah又再更新ig，今次唔再係得半身嘅相，嗰張全身相雖然比較模糊，不過睇到佢著住鬆身衫，隱約見到佢肚凸凸添！
今日有周刊喺泰國見到余文樂同Sarah，好清楚見到Sarah肚凸凸，一如過往，當事人仍然封嘴唔講，只係喺ig貼咗啲旅行相。
原來今次唔係二人世界，同行嘅仲有樂媽、妹妹一家，樂仔同老婆貼咗啲泳衣相，Sarah當然只係得上半身嘅大頭相，妹妹就寫咗一大段hashtag，多謝二哥嘅安排，仲話多謝二嫂操刀影相添！
(蘋果日報)
