童顔萬歲！！最近《三個女人一個因》都有擔當重要角色！！
35歲「宅男女神」孫慧雪於2016年同拍拖六年嘅圈外男友羅天彥(Edwin)拉埋天窗，婚後三個月即造人成功，點知初為人母，生完B曾患輕度產後抑鬱，情緒起伏較大，幸好老公體諒，盡量抽時間湊囝囝，阿雪本身性格都幾樂觀，所以病情並冇嚴重落去，現時已經冇晒事，可以做全職媽咪，陪住囝囝成長。
孫慧雪不時喺網上貼出囝囝相，更為囝囝開咗IG記錄生活點滴，今日孫慧雪喺IG貼出同囝囝Riley合照，留言：「今日媽媽陪BB一齊返playgroup~BB玩得好開心呀!」相中見囝囝啲表情同阿雪一樣，唔少網民都讚阿雪個樣好後生，生完B都冇咩點變，「雪媽媽同Riley寶寶都好可愛」、「表情好似」，另有網民稱阿雪好似逆齡生長：「明明睇落係兩姊弟。」
(Apple Daily)
