藝人陳琪與老公胡諾言育有兩女一子。
近年佢就轉型做KOL，不時都會喺社交網分享湊小朋友嘅心得。呢日陳琪就喺社交網透露收到一份禮物，而送禮嘅正正就係大女胡芷苓（JayJay）。
JayJay係用佢零用錢買頸鏈畀媽媽，好愛媽咪陳琪！
JayJay份禮物除咗有一條頸鏈之外，仲親手咗封英文信：「On Wednesday, I think you are very sad so I broght a present to you! Hope you like it!（在星期三，我覺得你很傷心，所以我帶了一份禮物給你！希望你喜歡！）」JayJay咁乖，難怪陳琪都話好感動，留言：「好感動❤ 今日收到家姐嘅一份禮物！個傻妹用曬（晒）自己嘅零用錢，喺學校聖經角買咗呢份禮物。我覺得好靚，呢份禮物超出101分。 #謝謝你的愛」唔少網民都大讚JayJay好細心，仲話佢好孝順添！
仲有封信添，真係好感動！
陳琪即刻開心番晒，開心的眼淚！
(on.cc)
