杜汶澤對自己要求好高，佢近年熱愛健身，除咗跟教練狂操變爆肌男，又食烚雞肉沙律，非常自制，一見上底線就會做GYM。
阿澤勤做GYM，亦會將成果放上網，近月接連有唔同藝人明星被偷相賣減肥產品，阿澤呢啲爆肌相，就成為咗最新受害者俾減肥產品盜用。對於肖像權遭侵犯，阿澤今日喺facebook貼文，嚴斥偷圖人士盡快刪相，並揶揄：「本人肥成咁，你都利用本人作為減肥產品的代言人，只會影響閣下生意，極為無腦！」
對於被盜用肖像權，阿澤今日短訊回覆傳媒：「已交律師處理，不便透露。」而阿澤經理人霍汶希今日回覆：「我哋同阿澤聯絡咗，事件已交公司法律部處理，保留法律追究權利。」
發文後杜汶澤太太田蕊妮都好給Like以示支持老公。
(Apple Daily)
