廖碧兒（Bernice）出席代言活動。
有愛情滋潤嘅Bernice係唔同啲，今日全程都面露甜笑，佢仲首次公開承認同失婚富二代盧啟賢（Calvin）嘅新戀情，佢話：「o依家好開心，已經幾個月(指拍拖)，我哋係喺一次慈善活動上認識，佢人好好，好細心，大家都鍾意動物。」問男友過咗試用期未？Bernice話：「冇諗咁detail，開心就得。」
之前有報道指兩人拍拖時，Calvin已經有個泰籍女友Nina，今日Bernice就澄清話：「冇，冇，以我所知佢係單身。」問到男友喺生活上係咪好幫手？Bernice話：「自己做番自己嘅，我都自己做生意，不過唔識嘅都會問佢。」
至於之前喺網上晒戒指，係咪男友送嘅？Bernice就否認，話戴住嘅都係自己買，問到結婚係咪佢哋嘅目標？Bernice就話：「我不嬲對感情認真，畀啲空間我哋，畀時間我認識多啲。」被翻舊情史，Bernice就話唔介意，最緊要係o依家好開心。
講起Calvin已經有小朋友，Bernice就話：「一個啫，我哋相處都OK。」咁會唔會諗住同Calvin生番個？佢就話：「o依……畀啲時間空間，有開心事一定會同大家分享。」
(Apple Daily)
