內地男星黃曉明同Angelababy（楊穎）喺2015年結咗婚並育有一子「小海綿」，之前黃曉明露口風話想要多個囡囡湊番個「好」字，不過佢哋兩個都出名係大忙人，呢個生B計一直都只聞樓梯響。
近日Baby出席活動接受訪問時，終於公開佢哋嘅生育大計，Baby表示過幾年先會追B：「等小海綿四歲左右，就會想要第二個小孩子。」
計番條數，依家「小海綿」先至得一歲，即刻三年後佢哋先會努力追番個女。
而出席活動時除咗公開生B計劃之外，Baby亦都公開咗佢嘅體重，已為一子之母但係體重只得46公斤，減番佢嘅隨身物品，Baby隨時得40公斤，有網民搞笑話睇完佢嘅重之後覺得自己係時候要減肥。
(on.cc東網)
