世上只有媽媽好，好多人都聽過呢句說話，但究竟作為一個媽媽係點樣辛苦法呢？可能就要做過阿媽先知喇！但今日林盛斌（Bob）上載一張照片就足以印證呢句說話。
為Bob生下4個仔女的Bob嫂Pearl，細仔就快半歲，而最近天氣轉，細仔鼻敏感發作，成晚都瞓得唔好，阿仔瞓得唔好即係阿媽都冇得瞓，Bob就上載一張半夜時份老婆抱住細仔輕拍的照片，成個畫面都充滿住母愛，然後Bob留言透露：「每晚十一點、一點半、四點、六點半，都會醒一醒，喊一喊，準時過包租婆收租！『媽媽真偉大』呢句說話，係永恆嘅真理。老婆，辛苦妳了。」
而好多媽媽級網友留言都話感同身受，自己有小朋友後都未試過一覺瞓天光，網友仲叫Bob要錫老婆，生4個係辛苦多4倍！
(on.cc東網)
