現年53歲嘅藝人尹天照早前去咗內地拍戲，近日佢趁住有空檔就飛咗去外地歎世界，連日嚟都喺社交網站分享咗唔少旅行嘅點滴，之前佢仲透露一落機就遇到大雪添！呢日，佢就上載咗多張近照，並留言：「去到最高處滑落嚟爽呀。」
相中見尹天照戴齊護具，笑笑口咁望住鏡頭之餘，仲大舉V字手勢，睇嚟應該玩得好開心！此外，佢亦都甫出滑雪嘅短片，片中明顯見到尹天照由高處慢慢咁滑落去，見到鏡頭仲舉手say hi添！唔少網民都大讚佢滑雪嘅英姿好有型，仲話佢點睇都唔似53歲喎！
尹天照（右）與男友人影合照。
又換Look～
幾得啵！
仲歎埋啤酒。
尹天照舉V扮港女。
殭屍佬滑雪威風凜凜。
黑超出動！
嚟喇喂～
成功呃Like！
(東方日報)
