食天婦羅慘中伏？近日有網民於社交平台發貼，怒斥在餐廳所點的一道炸蝦天婦羅竟被「加料」變成「炸單」，大呻「中伏」！貼文惹起網民熱議。
發貼者指於長沙灣一間日式餐廳內，點了一碟炸蝦天婦羅，正要進食時，卻發現其中一條炸蝦「怪怪的」，細看之下，發現天婦羅的炸漿內，竟然包裹着一張紙，上面更印有數行黑色的電腦字，疑為單據！
炸蝦變炸「單」？
發貼者表示，當時已向餐廳侍應投訴，並欲知會經理，豈料該名侍應即時收碟︰「扮晒嘢當收碟急急腳收走咗掉埋」。
不少網民留言同情發貼者，有人更戲稱「隻蝦生到成張收據咁」、「天婦羅炸單」。不過，亦有人指發貼者「大驚小怪」，並貼上其他更離譜的「加料」經歷，如「燒味飯附贈碎瓷片」、「蘿蔔牛腩加米奇」等。
有網民曾在燒味飯底，發現大塊碎片，再加一堆碎渣。（網上圖片）
蘿蔔牛腩加原隻老鼠，真係見到都唔開胃！（網上圖片）
(on.cc)
