藝人黃長興與太太Peggy及一對寶貝Paige、Tristan接受田蕊妮主持的無綫節目《1+1的深情》訪問。原來長興的太太以前是空手道高手，他們一家在節目中溫馨亮相之餘，長興更自爆會深情為太太送上驚喜。提到Peggy曾是空手道高手，但結識長興後便放棄，長興接受東網訪問時說：「我比較大男人，嗰陣覺得空手道好粗魯，都想女朋友溫柔啲，不如跳吓舞，咁佢就唔玩，當時都唔知佢係為咗我，而家知道就好內疚，見佢着住套空手道衫靚到不得了，有唔同味道。」
主持田蕊妮則表示估不到長興這麼感性，她說長興有一次去到外地，想和老婆與子女在一起，而那一刻、這個廿四孝爸爸兼丈夫竟然感觸得喊了起來，這一幕令田蕊妮都吃了一驚。問到田蕊妮有否被老公杜汶澤逼她放棄一些東西時，她說：「老公一定唔會阻止我演戲，話我最好出去拍多啲戲添。（有冇逼杜汶澤放棄一啲嘢？）冇，逼佢唔到，好似戒酒、戒煙都要佢自己放棄先得，好難，要佢自己覺得唔啱先得。」
田蕊妮（左）表示估唔到長興份人咁感性。
長興知道太太為自己放棄空手道後感到内疚。
一家人好溫馨呀～
長興話自己比較大男人。
田蕊妮咁嘅表情，做咩事呢？
長興自爆會深情為太太送上驚喜。
長興好認真指導自己嘅一對小寶貝。
一對小寶貝好認真學習喎。
Peggy曾是空手道高手。
長興大讚Peggy着住空手道衫靚到不得了！
長興曾經覺得女仔練空手道好粗魯。
(東方日報)
