「會好掛住你！媽，一路順風！」望一望張相，三母女合照，背景唔似機場。
當你第一眼見到呢張相同呢句caption，第一時間會唔會聯想到……係囉，咁樣樣囉……昨午黃心美喺ig貼圖，就係貼咗佢同三妹黃心慧以及母親合照，就係咁寫。
網民都打個突，腦袋一時轉唔到，直接諗咗嗰樣嘢，之後再諗番轉頭，唔係喎…有網民直接問心美：「其實覺唔覺呢句說話，有d問題？」原來有共鳴，有網民即覆：「我都覺得。」
心美原來有睇回應，仲話：「哈哈⋯我媽咪明就得啦！」原來係黃媽媽要返溫哥華，唔止心美唔捨得，屋企四隻毛孩都唔捨得。
有人就建議心美可以咁寫：「應該話，玩得開心啲，唔使掛住我哋！」咁當然，都有人覺得「有咩問題啫，係你啲人諗多咗之嘛！」
(蘋果日報)
