雖然一直與男友堅持不婚主義，但二人向來感情甜蜜。
林青霞繼女邢嘉倩2016年為澳洲籍男友Lloyd誕下一女。
去年12月嘉倩更承認再度懷孕三個月。為保持神秘感，嘉倩直言唔想知肚裏BB性別住，因為生仔定係生女都冇所謂，一樣會咁興奮！
Alison（右）摸邢嘉倩嘅凸肚沾旺氣。
至今懷孕約六個月嘅嘉倩，趁住生BB前相約一班好姊妹去泰國布吉旅行，當中包括富商曾文豪女兒曾昭亮（Alison）、香港賽馬會前主席黃頌顯外孫李家彤（Antonia）等。去得泰國旅行，享受陽光與海灘嘅環節絕對不少得！呢日Antonia喺社交網上載一段三女出海嘅黑白短片，片中三女齊以火辣比堅尼上陣，而嘉倩嘅肚已經相當大，而作為好姊妹嘅Alison輕撫嘉倩嘅肚，似乎喺度感受緊肚裏BB跳動，畫面非常有愛！
（on.cc）
