眾所周知，藝人曹永廉同蕭正楠係圈中嘅「好閨蜜」，感情非常之好。今日，曹永廉就要啟程去橫店拍無綫劇集《包青天再起風雲》，身為兄弟嘅蕭正楠都幫手，幫曹永廉執行李。
蕭正楠喺社交網留言表示「做兄弟一定幫你執……篋，公孫七。（曹永廉飾演公孫策一角）。」蕭正楠就影咗啲相，但係只見到曹永廉一個人踎喺地下，好忙碌咁係係咁執行李，將啲衫塞吓又塞，仲帶埋啲即溶咖啡粉過去添，結果就執咗三大篋行李出嚟。但係睇番啲相，都好似見唔到蕭正楠落手落腳幫手執，唔通佢淨係掛住影相？
足足三大篋，唔知蕭正楠幫手執邊個呢？
睇相就好似得曹永廉自己忙咋喎。
曹永廉真係陰公豬～
(東方日報)
