型男余文樂（樂仔）與皮帶大王千金王棠云（Sarah）結婚後一直愛得甜蜜，雖然屢傳「樂嫂」有喜，不過佢哋都未有承認。
但係早前Sarah剪咗短髮，仲不時甫啲同小朋友玩嘅相，令人覺得佢似乎係為迎接BB而做好準備喎。
早前Sarah破例晒出一張全身相，睇落好似肚凸凸，今日樂仔又喺社交網上載咗一張Sarah食嘢食得好開心嘅相，原來佢帶咗Sarah去食日式料理。
相裏面見到有好精緻嘅壽司，咁多正嘢，難怪Sarah笑得咁開心，不過網民都留言叫Sarah唔好食咁多生冷嘢、要小心呀，大家仲搞笑地話樂仔係晒妻狂魔，佢哋兩個認真Sweet到爆！
(on.cc東網)
