現年39歲嘅濱崎步失婚後好似未有着落，而佢同組合AAA成員浦田直也嘅關係一直引來外界猜測，雖然二人多年來以姐弟相稱，不過就一次又一次被指唔似「姐弟」關係咁簡單。
昨日，浦田直也竟然在twitter上留言向步姐示愛，在po文後即刪走文章，懷疑有人酒後吐真言。
浦田直也前晚喺twitter上載照片，透露與友人在家中飲酒hea住渡過，唔知係咪飲大兩杯，浦田直也展示手上與步姐擁有嘅同款戒指醉後selfie，更撰文話：「我好想去攬實ayu已達到想死嘅程度。」
全篇文章都語無倫次，一時話深愛着你，之後又講唔會逃避，單睇佢張自拍照及留言就知貓咗，之後佢已把po文及照片刪走，但就被網民快一步轉載到互聯網開壇討論。
步姐同浦田直也不止一次傳出緋聞，過往二人曾多次公開親蜜合照，日前步姐於社交網上載無名指戴上戒指嘅照片，浦田直也都被發現同日上載嘅相片都戴上同款戒指。
(蘋果日報)
