藝人岑麗香（香香）2016年底同強強結婚，講到生B計劃，香香都係話順其自然，唔少粉絲都戥佢心急，希望佢快啲造人成功！
香香今日喺社交網上載一張影住個肚嘅相，留言：「Hope（希望）」唔通香香宣布有喜？呢個消息一出，網民即時議論紛紛，留言話恭喜晒！但係大家冷靜啲先，之後香香再上載幾張相，原來係一張坐喺海邊石櫈嘅拼圖，成張圖嘅意思係：「Hope you enjoy how beautiful today is」今次真係畀香香玩死，不過都希望香香快啲有好消息傳出啦！
就咁睇呢張相，以有咩好消息，網友係咁留返恭喜佢。
啲相加埋就係香香嘅靚樣。
(ig / on.cc)
