早前宣佈一索得男呀！
台灣歌手林宥嘉（Yoga）同太太丁文琪（Kiki）結婚一年多啲，早前佢哋宣布有喜，依家胎兒都差唔多有六個月大，去到呢啲時間，做媽咪嘅開始會清晰感受到胎兒嘅郁動，呢一日Kiki就喺網上分享佢同老公齊齊感受到胎動嘅感覺，不過佢老公嘅反應就真係令人感到無奈！
事源Yoga同Kiki預備一齊瞓覺，齊齊將隻手放喺Kiki嘅肚上邊，期間明顯感受到胎兒郁咗一下，不過Yoga好似唔多信，仲反問Kiki：「你確定剛剛那是胎動嗎？因為我剛剛摸我的肚子也有彈一下。」聽到老公咁講，Kiki 除咗無奈真係冇乜嘢可以講。有網民搞笑話Yoga會唔會真係大咗肚，仲叫Kiki要留心睇吓老公個肚會唔會日漸長大！
Kiki 除咗講呢單笑料之外，亦都月上載一張胎兒嘅超聲波照片，明顯見到胎兒伸大手板好似揮手咁，真係好得意！
(丁文琪微博)
(on.cc)
