最近大台好多知名演員相繼離巢，今次係…
資深監製潘嘉德加入無綫逾四十年，監製劇集三十多部，當中不乏家傳戶曉，《衝上雲霄》、《On Call 36小時》系列、《刑事偵緝檔案》系列等都是高收視好碑佳的作品，而近期的《三個女人一個因 》劇集再掀話題，他的作品就是收視的保證。畢業於無綫第4期藝員訓練班的潘嘉德，是無綫一手一腳訓練出來的悍將，同期的同學包括杜琪峯、黃杏秀、李國麟、劉仕裕、談泉慶和賴水清等，個個都係影視圈猛人。
潘嘉德為新劇《好日子》飯局。
估唔到呢位金牌監製以「告別TVB的『好日子』」在社交網留言，並上載多張同台前幕後嘅同事飯聚合照，當中有陳煒、黃智賢、簡淑兒及黃淑儀等，有網友留言問：「真的？定我會錯意？」潘嘉德回答：「Yes！」無獨有偶，潘嘉德就為無綫監製新劇《好日子》，咁究竟係真係唔做定係告別《好》劇呢？
潘嘉德在社交網留言，即時惹來圈中人回響。
事後，潘嘉德接受傳媒訪問，談及係咪要離開無綫？他說：「唔係唔係……我仲喺無綫，我未退休，我只係幕後人，要低調，唔好寫，唔好寫。」
據知，潘嘉德同無綫合約中，最後一套劇集就係《好日子》。
（ig / on.cc）
