天后容祖兒與劉浩龍（師兄）拍拖多年不時晒恩愛，但祖兒早前卻飛起男友獨遊旅行，有見祖兒單拖外遊，兩人因此傳出分手。師兄於電台宣傳時表示：「每個人有自己生活。」
提到女友容祖兒早前撇甩他頻頻去旅行，因而傳出兩人已分手。對此劉浩龍說：「咁佢旅行跟媽媽去，農曆年我有好多工作，其實我覺得唔係好大件事啫！我一月都有去旅行，不過跟老闆一起去滑雪，只是好平常生活，每個人有自己生活，可能佢以前好忙，只是近排有時間去享受返，我覺得好正常。」
容祖兒出席宣傳活動時，就早前獨遊日本，今個農曆年和情人節都留港度過，問到是否變回單身？祖兒說：「咩喎！」因她情人節也不在港，當然再被追問是否變回單身？她說：「哎吔！唔同你哋講呢啲，今日係38婦女節。（會為情人節補數，去支持男友4月的演唱會？）唔！（你係唔支持？定係唔，支持？）唔！一定支持，梗會支持。（煲湯支持？）你唔好理我啦！」
(ON.CC / SINGTAO)
