韓君婷轉戰幕後任職一間醫學美容公司，近日佢就為公司嘅肉毒桿菌素拍攝全新一輯廣告，今日以雙重身份現身旺角宣傳。
韓君婷親身示範接受注射，改善眉心紋，佢話：「效果好好，打咗幾次大家都唔覺。」其餘想改善地方？韓君婷話：「坊間啲人最想打晒晒成塊面，但我抗拒塊面係零皺紋，所以我打時都同醫生講眼角要keep番少少紋，唔想太假。」至於身材方面韓君婷就話好滿意，冇咩改善地方。
仲話日前佢坐火車返屋企途中遇上一對小情侶，嗰位女士就要求合照，韓君婷見對方好有誠意，不顧自己冇乜化妝都答應合照，但後來對方就話：「你瘦咗冇咁好睇，肥啲好睇啲。」所以覺得自己多年都有唔同變化，並分享女性最重要係支持、相信、肯定自己。
（on.cc）
