藝人林師傑近期除拍劇及錄節目外，晚晚通宵在工廠大廈創作新歌，希望在樂壇再闖名堂，做個孭得起頭家的男子漢！年底與歐陽巧瑩結婚的他，除了努力搵錢養家外，更想母親尋回理想：「阿媽為屋企放棄好多！」
參加無綫節目《超級巨聲》出身的林師傑，將於今年11月23日與女友歐陽巧瑩拉埋天窗。為了擔起頭家，最近他經常與好友張明偉等在工廈絞盡腦汁寫歌兼練歌，希望塑造新式民歌，用真誠打動聽眾。
「個樣生得富貴」
入行多時的師傑，被問為何現在才急起直追？他坦言寫歌並非一朝一夕：「因為我唔想被動咁等公司畀機會，以前我永遠都係等人發號施令，但依家唔得，因為我阿媽（前藝人韓珍）要退休，我爸爸（前藝人林道權）又退休好耐，我都係時候承擔起屋企責任，變相要加倍努力，等多啲人認識我。」
師傑坦言平時拍劇和錄節目後，都會與戰友夾歌夾天光，然後再繼續工作。問到是否因家中有經濟危機才令他醒覺？他說：「一直都唔係十分好，可能係我個樣生得好富貴，以為我真係好有錢。其實我阿媽為屋企放棄好多，包括自己夢想，好想畀時間佢追尋自己夢想。」
換車慳未來
記者指師傑經常換車，他解釋今次換車其實是為了將來慳得更多：「換電動車係為咗媽媽，雖然車價貴，但無論牌費、保險都比所有車平，我計過條數，同我揸好舊嘅二手日本車差唔多，而且揸舊車都要整要驗。」他又稱在其他方面都好慳：「我啲衫都係網上一折先買，一係就贊助。」
最近佢就再戰樂壇！
咁主動同咁努力係因為佢唔想齋等。
佢就坦白咁話自己屋企其實環境真係唔算太好。
加油呀～～～
成日同好朋友通宵作歌！
因為屋企人都喺時候要休息同享福，所以佢決定孭起頭家！
又覺得媽媽為頭家付出咗好多，希望可以畀番個時間佢去追夢。
歐陽巧瑩將於11月同林師傑拉埋天窗。
佢哋希望塑造新式民歌，用真誠打動聽眾。
但就可能因為個樣太富貴，成日畀人誤會佢好有錢。
林師傑就算換車都係為咗未來慳多啲錢！
(東方日報)
