神級編劇陳寶華闊別無綫16年，最近獲高層杜之克、余詠珊邀請回巢，以總監製和總編審身份主理新劇《多功能老婆》。不過，女主角人選一直遲遲未有公布，甚至在無綫官方採訪邀請的演員名單中僅寫「女主角」三隻字，非常神秘。絕大部分主要演員在記者會上亦均稱不知道女一人選，直至一頭金髮的楊千嬅在台上亮相，大家才知道她是新劇女主角！
楊千嬅闊別17年，今次再為無綫拍劇令觀眾非常期待！（陳順禎攝）
原來千嬅自2001年播出的《美味情緣》後，事隔17年再為無綫拍劇，已成金像影后的她今次再度回歸小螢幕，實在令觀眾感到興奮。她在台上透露接拍劇集時正值開騷之時，當知道劇集是陳寶華親自操刀時更「吓」了出聲，又笑指因為不能向外透露接拍新劇，所以整個過程似足秘撈：「傾親都要去餐廳VIP房，其實見寶華姐係好緊張，我之前半夜都有追佢套《我本善良》。」而陳寶華亦指自己就算睇千嬅演唱會也不敢高調，怕別人會聯想，只好趁完場前自己一個靜靜雞走。
2018年無綫最強秘密武器：楊千嬅！（陳順禎攝）
千嬅接受《香港01》訪問時，便指自己好開心可以再拍劇，因為劇集對於她而言是一種文化甚至是情意結：「同埋今次可以同咁多有份量嘅人合作。（點至打動到你拍？）唔好話係打動，但最主要係劇本，同埋可以同寶華姐合作。（拍劇冇得瞓！）我依家都瞓得好少，我日日都七點起身，其實拍劇同拍戲、準備演唱會都係差唔多。（有冇要求過有足夠休息時間？）我都有返咁上下年紀，我諗劇組仲驚過我，唔想見到我嗰個樣！」
今次楊千嬅在《多功能老婆》中與黃浩然飾演一對。（陳順禎攝）
楊千嬅笑指傾接Job時似足秘撈！（陳順禎攝）
(HK01)
