藝人陳倩揚及郭羨妮於灣仔出席有線新頻道記者會，二人表示有適合的工作，不排除會與有線合作。
懷孕五個多月的陳倩揚透露BB是女嬰，預產期為七月，她說：「好開心呀！同兩個囝囝都講咗，佢哋都好開心，仲問我係咪買好多粉紅色嘅嘢。細仔見到粉紅色嘅嘢話要留畀妹妹，我都希望佢哋可以快啲適應有多一個家庭成員。希望今胎都會順產生。」
二人透露有傾談生仔經，陳倩揚表示有祝福郭羨妮早日達成生第二胎的心願，郭羨妮說：「我老公好忙，成日都唔得閒，根本好難夾到時間，講咗咁耐都未有結果。」陳倩揚亦向對方提議同老公去旅行，希望她一擊即中。
問到郭羨妮是否希望快些有第二胎，她說：「冇得恨，呢啲喺天準備畀你，啱時間就會有，唔需要好強求。我自己都好忙教嗰女做功課同照顧佢。」
她又透露陳倩揚初期懷孕時叫她去做針灸：「佢話做針灸真係得，但佢嗰時啱啱有咗，唔講得住。」陳倩揚續指近三年有睇中醫調理身體，令身體功能更健康，對情緒亦有幫助。
(on.cc東網)
