歌手林奕匡（Phil）舊年同拍拖10年女友李靄璣（Rikko）於加拿大舉行婚禮，今日佢哋喺香港補擺喜酒，一對新人同埋成班兄弟姊妹團，紛紛喺社交網更新，準備好迎接呢一日！
先有新郎哥Phil喺社交網上載化妝set頭相，見佢心情似乎好興奮咁！
而身為姊妹團嘅張名雅就上載一張中式茶具嘅相，一對新人睇嚟都跟足傳統敬茶畀長輩！
至於另一位圈外姊妹Jenn，就上載Rikko着住婚紗自己一個影相嘅花絮，同埋佢同鄧佩儀換好靚裙嘅短片，鄧佩儀仲喺社交網留言話人生第一次做伴娘，要好好咁紀錄呢一日！
(on.cc東網)
