歌手車婉婉和外籍老公為囝囝BBQ舉行生日會，預祝他本月28日一歲生日，出席嘉賓還有蘇永康一家三口及一班小朋友。
婉婉接受東網訪問時表示：「係九位3月生嘅小朋友一齊開生日會，除咗大我個仔8日嘅蘇永康囝囝外，仲有7位同月生日嘅囝囝Playgroup同學。」她又透露囝囝在生日會上第一次食生日蛋糕，還中了「頭獎」：「我個仔好活潑，唔鍾意人拖住，佢自己走嚟走去，點知望少眼佢就跌落地，眉心撼正落櫈腳度，佢即刻大喊仲起咗個『瘤』，我好心痛、好內疚！」
講到囝囝快將一歲生日，她笑言：「感受係點解唔早啲生佢，佢咁得意！（追多個女？）我怕自己體力唔夠，順其自然啦。」
(on.cc東網)
