曾參選2006年香港小姐嘅曾瑞珊，近年離開娛樂圈轉任公關，仍與同屆嘅陳茵媺及周家蔚關係要好，不時相約聚會。
曾瑞珊今日喺社交網透露仔仔入院做手術，並上載一張父子對望嘅溫馨照，為仔仔打打氣：「一個深情的對望，勝過千言萬語。我最親愛的你，肥妹豬媽媽在外等你，加油啊！」
幸好曾瑞珊仔仔順利完成手術，隨後曾瑞珊亦代仔仔報平安，表示仔仔現時體力透支，相信休息一排會復原，佢仲答謝大家嘅關心：「戰爭過後，成功收復失地，不過體力透支，休息就好，休息就好。#多謝各位為我們集氣#多謝各位私訊我關心我的你們#生命管成功再次接上了#明天又是一條好漢」祝早日康復，加油呀！
(on.cc東網)
