2017年男藝人鄧健泓同太太石詠莉結婚，一向好恩愛！
佢哋今日到商台接受小儀訪問，分享兩人生活點滴兼互數對方，講到小器，石詠莉自認係較小器，鄧健泓即刻數太太一嬲就嬲幾日，即使自己誠懇道歉都冇改變，甚至試過走返媽咪家住，不過婚後就未試過爭拗。
Sukie笑指剛才二人互數對方不是：「佢講到青筋都現埋！其中有條問到我哋邊個最小器，咁我自認一嬲會嬲好耐。」Patrick搶話超憎Sukie這個行為：「誠懇道歉之後都仲會嬲，嗰長度會令我再發一次脾氣，嬲咁耐做乜啫？最憎佢返佢阿媽屋企瞓。（婚後有冇試過？）咁又冇。」
而Sukie就指一齊5年，吵架次數5隻手指數得晒。
太太石詠莉
(on.cc / Apple Daily)
