【咁大整蠱】「最醜女團」演偶像劇網民戥男主角慘… 心都碎埋！

近年韓國女團當道受熱烈追捧，隊隊女團出道都即刻爆紅勁多粉絲，唔少地區嘅娛樂公司都參考並食住個勢推出女團，有成功嘅例子當然亦有失敗，其中要數「另類」就非內地五人女團「Sunshine」莫屬，皆因佢哋身形相貌獨特，大部分網民都唔Buy，仲幫佢哋起咗個名，就係「史上最醜女團」，齋聽個名都知佢哋有幾猛。

早前其中三位成員Abby、Cindy、Dora選擇退團，再令起爐灶成立三人女團「3unshine」，近日有消息指呢隊新成立女團接拍偶像網劇，仲要係做女主角，其中成員Cindy仲會同內地小鮮肉區瑞天飾演情侶。消息一出即成為熱討對象，不過一班網民唔係話有幾期待佢哋嘅演出，係好嘴賤咁留言戥男主角區瑞天慘，話如果有錫錫戲，唔知男主角會唔有心理陰影，仲有網民推斷區瑞天可能得罪咗人，所以先至有咁嘅「機會」去演男主角。