由歌手轉型搞上海生煎包生意的蕭潤邦(Oscar)，在創業過程中歷盡艱辛，捱了多年終於升呢為「生煎王」有多間分店，年尾仲同江若琳結婚，點知突然發晒嬲！
江若琳未婚夫蕭潤邦
不過他卻有感而發，力斥某些要用錢來買獎的飲食或品牌頒獎禮，認為此舉是侮蔑飲食界及香港品牌，留言之中更不乏粗口。大批網民留言力撐他「有guts」、「有骨氣」，而從事服裝生意的歌手孫耀威也有留言：「完全有同感！我年中都收到好幾個嗰啲所謂的邀請！呢啲獎⋯ 算吧啦！」
孫耀威留言力撐~
蕭潤邦留言：「唔x該要比（畀）錢買獎項果D（嗰啲）頒獎禮，唔好再揾（搵）我，一年搞九十幾個乜x香港乜乜乜品牌大獎等等，你地（哋）真係想嘉許或鼓勵一班香港品牌還是揾（搵）笨x從中略（掠）水自己心知肚明！
仲有….你地（哋）唔好以為自己好x大支，比D（畀啲）禮貌，你想嘉許或鼓勵我好多謝你地（哋），我感恩，但唔想比（畀）錢買奬自high流淚拍照，D（啲）錢我留番黎（嚟）買D（啲）靚料比（畀）客人食好過啦。
唔買你D（啲）獎好x出奇咩，總之我地（哋）唔會比（畀）錢買獎的，唔好侮辱我地（哋）飲食業同香港牌品及香港人，揾（搵）食行遠D（啲）」
蕭潤邦社交網
（on.cc）
