歌手鄭希怡（Yumiko）囡囡梁子柔（梁浸浸）向來以可愛萌樣，取得一眾網民歡心，每次一出post都必定成功吸like！最近Yumiko同好姊妹黃依汶兩家人一齊飛去日本旅行滑雪，連日來見Yumiko邊玩邊上載旅行靚相同網民分享。
梁浸浸向來非常活潑，未夠三歲已經學識踩單車，上個夏天仲學識游水，運動細胞相當之強，而梁浸浸今次第一次滑雪，當然唔會難到佢啦！
短片中見到梁浸浸全身着晒滑雪裝備，仲戴咗御用魔鬼頭盔，唔需要滑雪杖都平衡到、滑到，仲興奮對住鏡頭揮手，非常之犀利！
唔少網民大讚梁浸浸好叻女，梁浸浸又成功呃唔少like喇！
(on.cc東網)
