【胡說八道會好事近？】胡杏兒暗示：佢唔急嫁但恨生B！

已升呢人妻的藝人胡杏兒暗示今年有「胡說八道會」姊妹好事近，令人聯想到黃智雯或姚子羚，不過曾傳出「有嫁期」的智雯最近卻押後婚期，令子羚頓成頭號待嫁人物！

子羚昨日接受電話訪問時繼續耍太極，笑言會先讓智雯結婚及胡定欣生仔，她說：「杏兒成日喺我哋個Group度Send BB肉照出嚟，真係好得意，感染到大家都想生仔，當中以定欣最想生，可能佢閃婚都唔定！」子羚表示今年未有結婚計劃，拍攝中的無綫劇《包青天再起風雲》要到內地拍攝兩個月，之後有時間想到東非旅行。