藝人陳茵媺出席活動，講到鍾嘉欣再有喜，她說：「恭喜佢，令我諗起抱住BB嘅感覺。（再生多個？）no，諗起四個就好驚，唔係生嘅問題，自己好享受生嘅過程，雖然痛但係同B奮鬥淨係女仔先至可以感受到。依家三個都真係太多，照顧佢哋日常、返學。
（仔女大個開始曳？）唔係，佢哋都好乖，我哋嘅教育方法係比較自由，想畀佢哋自己去選擇，等佢哋有獨立嘅思考，大仔性格好斯文，好識氹女仔，二仔就好獨立，好man，好有主見，好似我老公咁斯文，個女就好有管家性格，我哋叫佢做CEO。」
(on.cc東網)
【原來小公主仲有個外號…】陳茵媺：好享受生B嘅過程
