【但網民發現…】41歲楊張新悅晒第四胎凸肚

張新悅喺2007年同楊哲安喺布吉拉埋天窗，婚後淡出幕前，主力照顧囡囡，早前佢po咗條片《一不小心2018大肚婆》，宣佈陀第四胎，自嘲一不小心又有咗，仲爆老公冇做足安全措施。

佢目前粗身大細，今日貼出凸肚相，原來佢去做大肚瑜伽，佢仲話之前已經想試。

見佢一副幸福少奶奶嘅樣就知佢生活幾寫意，之不過細心睇張相，張新悅隻腳忽然一邊粗一邊幼，未知係角度問題，定係P圖時唔記得咗。

(蘋果日報)