16歲入行、近年主力北上發展事業的34歲藝人李彩華，與90年代被無綫力捧的「新五虎」成員之一何遠恆拍拖，二人相戀以來感情穩定，去年11月，李彩華更獲男友安排神秘生日派對慶祝34歲生日。一直希望組織家庭生小朋友的她，更曾揚言不排除2018年閃婚，以趕在35歲前生BB，展開人生新一頁。
可惜話口未完，二人走到談婚論嫁階段之際，臨門一腳卻因婚姻理念和步伐未達到共識，2月時分手收場。飽受情傷的李彩華仍未能放下分手一事，心情未能平復，近日她飛到美國洛杉磯登台工作，東網聯絡上身在當地的李彩華，問到分手一事她隨即爆喊，過了一會才平復的她表示：「上個月已經分咗手，我初時以為時間可以治療傷痛，以為會冇事。點知過咗一段時間個心都係好痛，所以去咗洛杉磯工作，順道散心，但係一諗起呢三年情，都忍唔住喊，覺得好可惜。」
不涉第三者
問到如此相愛為何選擇分手這條路，她無奈地哭着說：「其實想低調啲，冇諗過要公開（分手）。近一年大家都有傾過可以點再走落去，但冇辦法，大家好冷靜咁傾過好多次，但最終步伐唔同，婚姻理念都達唔到共識、唔能夠一致，所以惟有忍痛分手。」她坦言每次回想這段情都會觸動痛處落淚，雖已分開，但二人仍保持好友關係。提到舊愛，最令她感動的莫過於分手時對方的一席話，令她銘記於心：「佢係一個好人，有好多優點，分手時佢仲同我講，無論以後點樣都會當我係一家人，會繼續關心我。佢係我遇到最好嘅男人，奈何大家已走到盡頭。」
原本計劃共諧連理，但結果分道揚鑣，身邊好友無不感到愕然，李彩華強調：「大家係和平分手，雙方都冇第三者。依家只係希望可以畀多啲空間我哋，大家都需要時間Recover（康復）。」
此情不再～～～
不過當時Rain冇乜異樣～
唔「婚」就「分」～好可惜！
Rain微博早已露端倪。
李彩華分手後心情仍未平復。
Rain又再等待真命天子喇！
Rain微博似有所指～
現正身在美國散心。
(東方日報)
