要數圈中嘅賢妻良母，蔡少芬（Ada）一定榜上有名，雖然中港兩邊走嘅佢工作忙碌，但絕對係個全能好媽媽！
Ada唔只親自下廚，又自己操刀幫兩個女剪頭髮，仲會落手落腳同囡囡一齊做勞作，完全冇假手於人！
今日佢就喺微博上載幾張相，網民都驚呼：「太厲害了！」
原來佢同老公張晉合力為4歲細女信兒（包子）「造型」，見佢用咗好多材料，又電燈泡又電線，仲有唔少工具，真係睇見都頭痛呀！
不過佢就話其實幾好玩，一啲怨言都冇，究竟佢整啲咩？就係「星球戰衣」喇！
原來佢哋起碼用咗兩日時間先造好件衫，今日終於整好，Ada留言：「哇！包子開心到暈了！張晉你真是一個超勵（厲）害的爸爸，還讓星球傳動，哈。。。。！相信大家會喜歡這個太陽系，多過水母裝！對吧！」
大家仲記唔記得「水母裝」呢？就係之前阿女學校舉行派對，佢就整咗個遮晒樣嘅「水母裝」，網民反應就當然……
而呢個「星球戰衣」網民一致好評，激讚佢哋兩公婆，而包子明顯超開心笑笑口，返到學校仲唔威到盡？！
(on.cc東網)
