歌手鄭希怡一家同黃依汶一家不嬲老友鬼鬼，之前兩家人仲約埋一齊去旅行添！近日兩家人再度出發，不過今次就唔係享受陽光與海灘，而係去咗玩雪呀！
鄭希怡囡囡梁浸浸一去到雪地就非常興奮，唔止同媽媽一齊鬥擺甫士，仲落力拉動坐喺滑雪板上嘅爸爸梁學儲。而黃依汶嘅囝囝陳真就相對冇咁活躍，佢去到雪地拍拖
第一樣做嘅嘢竟然係瞓覺，認真搞笑！不過身為大姐姐梁浸浸，對住咁貪瞓嘅陳真亦照顧有加，佢除咗拖住陳真影合照之外，仲做埋佢嘅司機，用滑雪板拖住陳真行路，兩小無猜咁真係好有愛呀！梁浸浸咁細個就識得照顧人，唔怪得鄭希怡同老公都咁錫佢啦！
陳真瞓着咗。
大個咗有冇機會發展？
唔見黃依汶同老公陳國坤入鏡嘅？（資料圖片）
梁浸浸就用滑雪板拖住陳真。
鄭希怡同梁浸浸喺雪地上跳舞。
兩小無猜。
梁浸浸拉坐喺滑雪板上嘅爸爸。
(東方日報)
