藝人陳偉霆（William）近年轉戰內地搵銀，工作一浪接一浪、做到冇停手。William近日趁住工作嘅空檔帶屋企人出國旅行度假，仲喺社交網站晒出同姪仔玩水嘅相，佢留言：「螳螂捕蟬……….」William喺相中大晒麒麟臂，貪玩嘅William同姪仔喺泳池大玩水戰，仲拎起水槍向姪仔射水，畫面真係好有愛。
除咗玩水之外，William仲氹兩個小朋友食嘢，似乎玩得好開心。唔少網民都大讚William對小朋友好有耐性，仲有人話佢第時一定會係個好爸爸添！
William大晒麒麟臂。
氹兩個小朋友食嘢嘅William好有父愛呀～
有網民仲話William第時一定會係個好爸爸。
(東方日報)
