藝人張栢芝向來都好享受同囝囝親子樂，近日栢芝又帶咗囝囝Lucas同Quintus去咗新加坡旅遊。
兩兄弟好好感情。
早前佢就喺網上為佢嘅手錶品牌發起抽獎，點知嗰名幸運得獎者竟送番兩盒直升機模型畀栢芝兩位囝囝，嘩！真係好貼心呀！難怪着上泳衣兼晒出事業線嘅栢芝拍片多謝粉絲。
粉絲送出兩架模型飛機畀栢芝兩個仔。
佢即刻拍片感謝。
另外，佢仲喺社交網分享多張同囝囝嘅遊玩相，並留言：「最珍貴的時刻！」見到兩兄弟玩紋身貼紙，栢芝好sweet同佢哋合照。
唔知栢芝同咗仔仔去邊度玩呢？
仲一齊食快餐店。
隨後，栢芝再晒出抱住一個小朋友合照，搞笑咁話：「實在太可愛了2018年之前必定要生出BB來，this is my goal！」相信此趟旅程佢哋必定玩得樂而忘返喇！見到啲小朋友咁可愛，難怪網民都話栢芝想再做媽咪啦！
栢芝見到小女孩突然話要生BB，仲要2018生出嚟？
(on.cc)
