藝人陳嘉寶（Anjaylia）去年11月與比她年長8年、任職滑水教練的富貴初戀情人黃頌祈拉埋天窗，榮升人妻的Anjay婚後與老公一直表現甜蜜，趁着大前日（22日）人日，黃頌祈就孖老婆外出拍拖過婚後首個佳節。
昨下午兩公婆拍拖前往中環行街，沿途見Anjay翹着老公，原本兩人邊行邊傾相安無事，但黃頌祈期間掛住撳電話，冷落了身旁的老婆，搞到Anjay即時黑晒口面，全程擰歪面唔望老公。
擰歪面唔望老公
Anjay黑面黑到…
撳完電話的黃頌祈見到老婆嬲爆爆，隨即諗計出招…
帶老婆去時裝店「出血」任買，雖然只是平民化時裝店，但Anjay都睇得好開心，不一會已有斬獲，老公負責做阿四拿着大袋戰利品，見老婆買得咁開心，於是繼續同Anjay到附近購物，期間見到有記者，Anjay亦笑着揮手打招呼。
「出完血」他再去買雪糕補鑊氹老婆，果然甜品一出，Anjay當堂笑番晒，甚至邊行邊餵老公食雪糕，認真sweet！最後雙雙往停車場取車離開。
Anjay即時開心番晒！
仲餵番老公食雪糕添～
（on.cc）
