歌手Kellyjackie小時候是個聽教聽話的小妹妹，是父母眼中的乖女，但原來亦曾與細3歲的弟弟爭寵大打出手，幸好兩姊弟很快和好！Kellyjackie感恩有個「怪媽媽」，她說：「佢係『非常媽咪』，當我哋鬧交同打交，佢會叫我哋入房打飽佢，因為佢覺得如果幫一個，另一個就會唔開心，所以寧願我哋私下解決！」問到有否試過打出血？她笑說：「咁又冇，每次入到房，我同細佬只係唔出聲，最後死死地氣行返出廳。（細佬得父母心？）細個會呷醋，依家感情好好，拍拖會帶另一半畀大家過目。」
Kellyjackie又自爆小時候印象最深是坐爛多架BB車：「每次出街，媽咪都會推住細佬，我就要行，當我行到攰就會同細佬講不如畀我坐，佢坐喺我大髀上面，所以唔知坐爛幾多架BB車！」
但就試過同細佬因為爭寵大打出手！
每逢新正頭，Kellyjackie都着到紅噹噹應節。
Kellyjackie愛跟細佬齊齊坐，結果壓爛多架BB車。
Kellyjackie同狗狗握手做Friend。
(東方日報)
