【又關星爺事？】搞咩呀！喪睇周星馳Loop到病？

組合ReVe成員Kay（劉瑞祈）趁假期回到惠州鄉下度歲。廿四孝的他探望外婆時，被對方說他又長高了，他笑言：「連續唔知第幾年返嚟見親佢都話我高咗，好肯定佢唔係冇嘢搵嘢嚟講，喺佢心目中我就係一個不斷長高的巨人！」不過不知是否回家見番朋友太高興，Kay約齊一班兄弟邊食曲奇一邊電影馬拉松，終於就搞到喪咳，他說：「我哋睇周星馳電影，我好鍾意星爺嘅戲，有啲更睇咗十次以上，嗰日我哋睇咗《食神》，《逃學威龍》1同2，不經不覺我一個人食咗半盒藍罐曲奇！結果第二朝起身就咳到傻，要即刻買藥嚟食，曲奇加周星馳電影嘅威力太大。」放假雖然開心，食嘢都要適可而止呀！