天王郭富城去年與內地女模方媛拉埋天窗，之後生咗愛女Chant，真係好幸福呀！
不過，Chant一直都未有露面，只喺2017年9月出世後，城城喺社交網上載過一家三口嘅手仔「全家福」，之後就冇再見過Chant亮相。
不過，事隔幾個月，方媛趁住農曆新年喺社交網上載咗張抱住囡囡自拍照，方媛仲激罕淡妝上陣添！
今次大家可以見多Chant少少，事關見佢露出咗個頭仔，仲有好濃密嘅頭髮，不過始終都仲未睇到Chant個正面，網民同粉絲都話好期待有呢一日呀，而方媛就同Chant向大家拜年，留言：「新年好。」
(on.cc東網)
