藝人孫慧雪出席劇集《三個女人一個「因」》的首播飯局，問到為何不帶埋半歲仔仔到場？她笑謂太多人和怕閃光燈閃到仔仔，加上老公怕醜不願同行，故決定不帶仔仔到場。
問到可有為仔仔打扮一番才出門拜年？孫慧雪說：「有呀，帶佢出街有難度，佢依家開始食固體食物，要一早起身整定粥仔，整完我腰骨都痛呀！」
又笑指以前不懂得體諒以呢父母的朋友為何常常遲到，感同身受的她現在會原諒對方。可有其他湊仔血淚史？她說：「之前好期待佢叫媽媽，但原來佢依家一識叫媽媽，就會咩事嗌媽媽，好似我今日咁化妝嘅時候，我就衝咗出去3次，依家有啲後悔！」
問到可會轉職做全職媽媽？她表示仍想努力工作！
(on.cc東網)
