黃子華與佘詩曼主演的新片《棟篤特工》票房報捷，優先場港澳票房收逾270萬，而首日正式上映，票房亦超過250萬，子華與阿佘聯同演員張建聲、陳嘉莉及C君等齊齊到旺角一間戲院謝票，子華更與阿佘預先入場與觀眾齊齊睇戲，令在場觀眾十分驚喜！子華更笑問觀眾是否付款入場睇戲時，有觀眾大叫「回水」，相當搞笑！
子華與阿佘表示都是與家人吃飯後到場，談到觀眾的反應，子華說：「開心，有上網留意反應（對票房滿意？）冇得唔滿意啦，做電影我係新仔，有咁嘅成績好好，呢個只係起步，希望有下一步！」
談到子華多年來背負「票房毒藥」的稱號，今次票房成績理想，是否一洗雪恥？子華笑謂最開心是觀眾知道電影是笑片但不胡鬧，是一部認真的電影，至於是否因為阿佘旺？他說：「 呢啲嘢唔使講啦！（下集預埋阿佘？）係阿佘要預埋我呀！」佘詩曼則謂與對方合作是榮幸！
子華話做電影佢係新仔，有咁嘅成績好滿意。
(ON.CC)
