我辛苦佢咪唔使做囉，有時連開7日，真係好攰，但傾電話時知道佢睇緊電視或行緊街，咁就足夠架啦。」羅仲謙口中的佢，當然是指老婆楊怡。
拍拖5年，結婚快將兩年，偶爾來個不經意的放閃，叫人心甜。像這天訪問，談及生小朋友、與岳母同住、買磚頭等話題時，深切的感受到羅仲謙對楊怡的愛已入血入骨……
回想當初決定交往時，羅仲謙說雙方並未有5年的年齡差距而猶疑，從哪時開始認定對方呢？從沒刻意去想，反正在適當的時候做適當的事。「娶妻求賢淑，同埋你會知邊個係可以同你共度下半生。」楊怡予人感覺強勢，但在羅仲謙眼中，她是絕世好賢妻，婚後令他更顧家更有擔戴，二人閒時在家打機、玩狗又一日，偶爾的家庭糾紛可促進感情。「雖然我信相敬如賓，但唔係極端到『娘子你好，請用餐』咁，最重要係唔好忘本，即係熱戀期時，雙方都會將最好一面展現，那之後為什麼又不可以呢？感情變淡或鬧交好多時都因為懶而起。就正如你可以忘記自己生日，但一定唔可以miss她的生日，嘻嘻。」羅仲謙說每次只要聞到𤓓味時，雙方都會各自分開冷靜下，再次坐埋一齊食飯時，亦很有默契的隻字不提，真係咁易？「雖然唔會買花道歉，但一定係我毫不猶豫先認錯，反正喺屋企又不用做給別人看，哈哈！」
男人就要是忍讓
提到最近一次被「哦」，羅仲謙說因為老婆怕凍，所以近來在家中著到滑雪一樣，而自己則打扮如在泰國。看到筆者跟工作人員因「著到滑雪咁」而笑到氣咳，羅仲謙跟着一齊笑之餘，也千叮萬囑「記住寫係講笑」。愛老婆並非用把口去講，單從與岳母同住這舉動，羅仲謙又再被加分。「她們三母女好相依為命，娜姐（楊卓娜）有自己家庭同小朋友，阿怡好順理成章要照顧媽媽，我真的沒所謂，有住家飯吃更好。」看到筆者一臉疑惑，羅仲謙說習慣了大家庭生活，更笑言不會有婆媳糾紛，所謂的相見好同住難，其實也事在人為。「每個人都有不同的性格，所以每一句說話或行為出來之前，都要經大腦諗一諗，可能你會覺得喺屋企都要咁會好辛苦，但男人就係咁，不能當作是不公平，而是男人天生就要負這責任，要忍讓。」楊怡上輩子應該是拯救了地球吧？
絕無生育壓力
拍拖時一直被問幾時拉埋天窗，結咗婚好自然就會被關心什麼時候生B，更何況楊怡三十有八。「生小朋友唔好成日歸咎於女人一方，男人都佔好大部分，我常常不在香港，有什麼可以發生？」不難聽出羅仲謙怕老婆有生育壓力，所以將責任一力承擔，他說雙方的家長也沒有給予壓力，反正一切順其自然。他現在最想讓老婆過少奶奶生活，每日煩惱要去什麼地方high tea或shopping的那種。「當然遇上好製作我都想佢拍，但唔鼓勵佢好似自己咁衝。」
最愛買磚頭
羅仲謙近年偶爾會出現在財經版，笑他與老婆最大共同興趣是買樓而非打機玩狗，他不否認之餘，更指老婆最愛買磚頭。「一開始唔明點解要買，總之佢話乜就乜，現在當然明啦，可惜無運，同一樓盤抽兩次都唔中，經紀朋友都笑我抵死。」他更指楊怡在這方面有運又有眼光，儲下不少磚頭，而近期他較為留意國外樓盤，之後更如專家一樣分析，看來真的做了不少功課。
(HK01)
