藝人李思欣與范振鋒成婚五年，近年從幕前踩界做埋幕後，繼范振鋒升呢做電影監製後，去年李思欣亦榮升做娛樂公司老闆，兩公婆拍住上搵錢。
思欣直言自己是幕後初哥，老公給予了不少意見，被問二人在做生意的想法上可有因分歧而吵架？思欣表示沒有，不過就爆出更驚人的內幕！
就是二人在結婚初期為生活瑣碎事而不斷嗌交，甚至嗌到婚姻出現危機，思欣說：「當年我哋係閃婚，結婚之後好多嘢未協調到，一個星期嘈幾日，甚至令我覺得再嘈落去會令婚姻出現問題。而家結咗婚五年，磨合期都過埋，所以做生意都冇嗌交！」
范振鋒喜見太太兼顧幕後工作，不時提供意見給對方，而自己就負責發掘新人，繼續電影的幕後工作。
(on.cc東網)
