騙徒手法真係層出不窮，而偷用藝人個樣嚟做廣告更加係屢見不鮮，今次就到台灣天后小S（徐熙娣）中伏，更被造謠話佢婚姻出現危機。
小S兩公婆
近日網上流傳一篇以簡體字撰寫嘅文章，當中圖文並茂咁話小S身材走樣，令到老公許雅鈞出走偷食去上海同o靚模密會，仲貼咗一張小S聲淚俱下嘅相，之後又話小S用咗佢嘅產品之後，成功令到老公回心轉意云云。呢件事當然就係假㗎啦，至於小S嘅落淚照係一次去探患有腦退化症嘅嫲嫲嘅時候，嫲嫲竟然唔認得自己，令到小S不禁感觸落淚，而就今次事件，小S亦喺自己嘅Facebook上貼咗段聲明話：「鄭重聲明：小S本人從未使用過磁石肚臍貼，該內容完全虛構，請大眾千萬不要受騙。」
小S特別發出聲明闢謠。
小S今年1月為了奶奶不記得她而落淚。
（Apple Daily）
